Uppdrif
![](/s_files/images/5/17/l_image52c5451c85f25.jpg)
UPPDRIF
Buoyancy
Ef bolta er haldið niðri í vatni og síðan sleppt skýst hann upp aftur vegna krafts sem við köllum uppdrifskraft eða uppdrif.
Þegar skip flýtur frjálst er uppdrif skipsins jafnt þyngd þess (samanber lögmál Arkimedesar).
![](/s_files/images/5/17/l_image52c5451d12823.jpg)
UPPDRIFSMIÐJA
Centre of Buoyancy
Uppdrifsmiðja er sá punktur (B) sem uppdrifskraftur virkar lóðrétt upp í gegnum. Uppdrifsmiðja er rúmfræðileg miðja særýmis skipsins.
![](/s_files/images/5/17/l_image52c5451d598de.jpg)
Þegar lögun skipsins er þekkt getur skipahönnuður reiknað út staðsetningu uppdrifsmiðju (B) við mismunandi hleðslu og halla skipsins.